Платформа Штучнага Інтэлекту — гэта вэб-прыкладанне для спецыялістаў у сферы штучнага інтэлекту і ўсіх, хто цікавіцца гэтай сферай. Платформа змяшчае:
- інфармацыю пра навуковыя (навукова-тэхнічныя, навукова-практычныя) мерапрыемствы, якія праводзяцца па праблемах штучнага інтэлекту і інтэлектуальных тэхналогій;
- каманды тэарэтыкаў, распрацоўшчыкаў і практыкаў у галіне штучнага інтэлекту і інтэлектуальных тэхналогій.
Мэта праекта — сабраць на адзіным партале пад эгідай НАН Беларусі айчынныя і замежныя кампаніі, каманды і індывідуальных распрацоўшчыкаў, і практыкаў у галіне штучнага інтэлекту, выбудаваць агульную палітыку іх работы ў гэтай прадметнай галіне.
Распрацоўку вядзе Аб’яднаны інстытут праблем інфарматыкі Нацыянальнай акадэміі навук Беларусі.
XXII Міжнародная навукова-тэхнічная канферэнцыя “РАЗВІЦЦЁ ІНФАРМАТЫЗАЦЫІ І ДЗЯРЖАЎНАЙ СІСТЭМЫ НАВУКОВА-ТЭХНІЧНАЙ ІНФАРМАЦЫІ” (РІНТІ-2023) 16 лістапада 2023 г. у Мінску адбудзецца XХII Міжнародная навукова-тэхнічная канферэнцыя “Развіццё інфарматызацыі і дзяржаўнай сістэмы навуковатэхнічнай інфармацыі” (РІНТІ-2023). Канферэнцыя будзе праводзіцца ў змешаным фармаце: вочны ўдзел, дыстанцыйны ўдзел, завочны ўдзел. Запрашаем узяць удзел прадстаўнікоў дзяржаўных і прыватных беларускіх і замежных арганізацый, грамадскіх аб’яднанняў, навуковых работнікаў, прафесарска-выкладчыцкі склад арганізацый і ВНУ, супрацоўнікаў бібліятэк, аспірантаў, спецыялістаў у галіне цыфравізацыі. Сайт канферэнцыі
12-13 кастрычніка 2023 г. – II Форум IT-Акадэмграда «Штучны інтэлект у Беларусі» На II Форуме ІТ-Акадэмграда “Штучны інтэлект у Беларусі” плануецца правядзенне выстаўкі значных айчынных распрацовак у галіне штучнага інтэлекту і робататэхнікі; прэзентацыя беларускай платформы штучнага інтэлекту; правядзенне адкрытага конкурсу “Лідэры штучнага інтэлекту ў Беларусі – 2023”; работа тэматычных секцый і круглага стала. МЭТА ФОРУМУ Дэманстрацыя дасягненняў у галіне штучнага інтэлекту і робататэхнікі. Развіццё і каардынацыя супрацоўніцтва вучоных, спецыялістаў навукова-даследчых арганізацый, устаноў адукацыі, якія займаюцца даследаваннямі ў галіне прымянення метадаў штучнага інтэлекту ў інтарэсах пошуку эфектыўных рашэнняў і практычных рэкамендацый па іх прымяненню ў розных сферах жыццядзейнасці.
Прапанавана методыка падрыхтоўкі навучальнай выбаркі і архітэктура НС са скарочанай колькасцю нейронаў на аснове базавай сеткі U-Net для семантычнай сегментацыі малюнкаў, якая дазваляе ажыццявіць падзел малюнкаў ДЗЗ на наступныя класы: «зямельны ўчастак», «дарожная сетка», «будынкі», «расліннасць», «вадаём» з дакладнасцю 82%. Распрацаваная сетка можа быць выкарыстана як кампанент ансамбля нейронных сетак, у якім рашэнне прымаецца на падставе вынікаў працы складаючых ансамбль сетак. Вынікі дадзенай працы могуць быць ужытыя ў сістэмах апрацоўкі даных ДЗЗ для вырашэння задач маніторынгу стану расліннасці для земляробства, устойлівага лесакарыстання і маніторынгу стану біямасы ў прыродаахоўнай службе.
Прапанавана мадэль штучных нейронных сетак для ідэнтыфікацыі вобразаў. Дадзеная мадэль уяўляе сабой шматслаёвую паўнасувязную сетку, якая атрымлівае на ўваход дэскрыптары складанаструктураваных аб’ектаў на малюнках дыстанцыйнага зандзіравання Зямлі і выдае на выхад вектар ступеняў адпаведнасці ўваходнага дэскрыптара мэтавым класам з сярэдняй дакладнасцю да 84,9%. Асаблівасцю распрацаванай мадэлі з’яўляецца выкарыстанне папярэдняга аналізу прэцэдэнтаў, якія фарміруюць навучальную выбарку, што дазваляе аптымізаваць памер уваходных даных.
З дапамогай птушак, а менавіта іх спеваў, даследчыкі могуць палепшыць сваю здольнасць адсочваць стан і тэндэнцыі біяразнастайнасці ў важных экасістэмах, што дазволіць ім лепш падтрымліваць глабальныя намаганні па захаванні.
Пытальна-адказная сістэма “Галасавы АІ-асістэнт” дазваляе карыстальніку голасам ці ўводам тэксту з клавіятуры задаць пытанне на беларускай мове і атрымаць на яго гукавы ці надрукаваны адказ.