Чалавекападобны робат Unitree разагнаўся да рэкордных 3,3 метра ў секунду. А яшчэ ён умее пераносіць грузы і танцаваць

Кампанія з Кітая Unitree Robotics паказала трэцюю версію перспектыўнага чалавекападобнага робата H1. У апублікаваным на YouTube-канале відэа абноўлены Н1 танцуе, пераносіць у руках кошык з прадметамі, падскоквае на адным месцы, устойліва ходзіць па лесвіцы, а таксама бегае, развіваючы максімальную хуткасць 3,3 метра ў секунду. Па словах кампаніі, гэта рэкорд сярод існуючых на дадзены момант поўнаразмерных андроідаў.

Для параўнання, у 2022 годзе двухногі робат Cassie, распрацаваны фірмай Agility Robotics, прабег дыстанцыю 100 метраў за 24,73 секунды, што адпавядае сярэдняй хуткасці каля 4 метраў у секунду. Аднак пры гэтым Cassie меншы і лягчэйшы, чым H1, бо з’яўляецца толькі платформай з нагамі.

Крыніца