Амерыканская кампанія Amazon выпусціла абноўленага робата-ахоўніка Astro для малога і сярэдняга бізнесу коштам $2350.

Як заявілі ў кампаніі, робаты прайшлі тэсціраванне на складах і заводах плошчай да 465 кв.м. Прылада, падобная на пыласос з планшэтам, патрулюе тэрыторыю, вядзе відэазапіс і захоўвае здымкі на серверы. Уладальнікі малога і сярэдняга бізнесу набываюць не проста сучасны апарат, але і душэўны спакой. Робат здольны пракрасціся ва ўсе сляпыя зоны, якія не ахопліваюць стацыянарныя камеры відэаназірання.

Патрульны робат Astro for Business абсталяваны перыскапічнай камерай HD з функцыяй начнога бачання, забяспечвае кругласутачны агляд тэрыторыі ў рэжыме рэальнага часу і двухбаковую сувязь.

Крыніца