Лабараторыя апрацоўкі і распазнавання відарысаў ўтворана ў лістападзе 1986 года. Асноўным навуковым напрамкам лабараторыі апрацоўкі і распазнавання відарысаў з’яўляецца распрацоўка тэарэтычных асноў, метадаў, алгарытмаў, тэхналогій і сістэм для апрацоўкі і распазнавання відарысаў.

У рамках гэтага кірунку даследуюцца і вырашаюцца такія праблемы і задачы як:

• Аналіз і распазнаванне медыцынскіх відарысаў
• Аналіз і распазнаванне нанаскапічных відарысаў
• Аналіз і распазнаванне аэракасмічных відарысаў
• Сегментацыя і распазнаванне каляровых і паўтонавых відарысаў
• Распазнаванне структуры і формы аб’ектаў
• Дыстанцыйныя пераўтварэнні і матэматычная марфалогія
• Кіраванне якасцю апрацоўкі відарысаў
• Апрацоўка сігналаў і выяўленне аб’ектаў
• Пошук аб’ектаў на відарысах і вылічэнне іх характарыстык
• Геаграфічныя інфармацыйныя сістэмы

У цяперашні час вынікі даследаванняў выкарыстаны пры вырашэнні задач распазнання карт і тэхнічных чарцяжоў, інтэгральных мікрасхем, тэксту, ідэнтыфікацыі асобы, аналізу медыцынскіх відарысаў і відарысаў зямной паверхні.