У адпаведнасці з пастановай Бюро Прэзідыума НАН Беларусі №363 ад 31 жніўня 2015 г. на базе Аб’яднанага інстытута праблем інфарматыкі НАН Беларусі і Інстытута фізіялогіі НАН Беларусі створаны Міжведамасны даследчы цэнтр штучнага інтэлекту.
Цэнтр аб’ядноўвае намаганні спецыялістаў у галіне медыцынскіх, біялагічных, інфармацыйных, тэхнічных і фізіка-матэматычных навук для стварэння перадавых і канкурэнтаздольных тэхналогій штучнага інтэлекту і стварае ўмовы для выканання навукова-даследчых праектаў у галіне штучнага інтэлекту, якія рэалізуюцца як у рамках дзяржаўных праграм навуковых даследаванняў, так і і з прыцягненнем недзяржаўных інвестыцый.
Мэта стварэння:
аб’яднанне намаганняў спецыялістаў у галіне інфармацыйных, медыцынскіх, біялагічных, тэхнічных і фізіка-матэматычных навук, а таксама прыватных інвестыцый для стварэння перадавых і канкурэнтаздольных тэхналогій штучнага інтэлекту.
Напрамкі:
- аналіз біямедыцынскіх даных і выяў, пошук выяў і распазнаванне вобразаў у звыш вялікіх базах даных медыцынскіх выяў;
- інтэлектуальныя сістэмы аналізу тэкставай інфармацыі, тэматычныя пошукавыя сістэмы ў індэксаваных базах даных;
- метады і алгарытмы аўтаматычнага аналізу, распазнанне і сінтэзу маўлення ў складзе чалавека-машынных сістэм;
- прымяненне апарата штучных нейронавых сетак для мадэлявання кагнітыўных працэсаў і адаптыўных паводзін у сістэмах кіравання робататэхнічнымі апаратамі;
- кагнітыўныя тэхналогіі для паглыблення ўяўленняў аб пластычнасці мозгу ў норме і пры паталогіі;
- клеткавыя тэхналогіі, ствалавыя клеткі і сістэма інтэрфейс-мозг-кампутар для аднаўлення функцый мозгу пасля траўмаў і інсультаў;
- наначасціц і гетэрацыклічныя злучэнні ў эксперыментальнай і клеткавай тэхналогіях пры пухлінах мозгу.
